គណៈកម្មាធិការជាតិរៀបចំការបោះឆ្នោតទទួលបានបណ្ដឹងចំនួន៩៧ហើយ
គណៈកម្មាធិការជាតិរៀបចំការបោះឆ្នោត ទទួលបានបណ្ដឹងចំនួន៩៧ហើយ បើគិតត្រឹមថ្ងៃទី៦កក្កដា ត្រូវនឹងថ្ងៃទី១0 នៃយុទ្ធនាការឃោសនាបោះឆ្នោត។ បណ្ដឹងជាង៥០ ត្រូវបានដោះស្រាយរួចហើយ។ ចំណែកបណ្ដឹងដែលសេសសល់ គណកម្មការឃុំ-សង្កាត់ និងខេត្ត រៀបចំការបោះឆ្នោត កំពុងតែដោះស្រាយ។ លោកកែវ ផល្លា ប្រធាននាយកដ្ឋាន សេវាកម្មច្បាប់ និងវិវាទកម្ម នៃគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានឲ្យដឹងនៅថ្ងៃអាទិត្យ ទី៧កក្កដា នេះថា មានបណ្ដឹងចំនួន៩៧ហើយ ដែលគណៈកម្មាធិការជាតិរៀបចំការបោះឆ្នោតទទួលបាន បើគិតត្រឹមថ្ងៃទី៧ ខែកក្កដា ត្រូវនឹងថ្ងៃទី១១ នៃយុទ្ធនការឃោសនាបោះឆ្នោត។ លោកកែវ ផល្លាឲ្យដឹងបន្ថែមទៀតថា បណ្ដឹងប្រមាណ៥០ ត្រូវបានដោះស្រាយរួចហើយនៅថ្នាក់ឃុំសង្កាត់។ មានបណ្ដឹងចំនួន១ ប្ដឹងបន្តដល់គណៈកម្មាធិការជាតិ រៀបចំការបោះឆ្នោត។ ដោយឡែក បណ្ដឹងដែលនៅសេសសល់ គណកម្មការឃុំ-សង្កាត់និងខេត្តរៀបចំការបោះឆ្នោត កំពុងតែដោះស្រាយ។…
